Është pronarja e njërës prej prapanicave më seksi dhe më tërheqëse në botën e shoubiznesit, por ky fakt nuk e ka shpëtuar nga telashet me ligjin.

Në të vërtetë, aktorja dhe modelja Vida Guerra po përballet me një padi gjyqësore të ngritur nga tre meshkuj, të cilët ishin përfshirë në një përleshje fizike gjatë një ndeje të organizuar për të festuar datëlindjen e bukuroshes në një klub nate në Hollivud, vitin e kaluar.

Zeshkania me prejardhje nga Kuba, ishte duke festuar datëlindjen e saj të 36-të në klubin e famshëm "Vanguard Club” marsin e vitit të kaluar, kur këta persona thonë se ishin pjesë e një sulmi të dhunshëm nga punëtorët e këtij lokali, për të cilët është mësuar se ishin angazhuar nga Guerra.

Sipas deklaratës së tyre që janë përfshirë në dokumentet gjyqësore, këta persona thuhet të kenë pësuar disa lëndime fizike si rezultat i sulmit të ashpër nga personat në fjalë dhe tani ata padisin bukuroshen dhe pronarin e klubit, duke kërkuar një shumë të pacaktuar të hollash si dëmshpërblim.

Modelja ende nuk është deklaruar në lidhje me këtë padi.