Aktorja Christina Hendricks, e cila është popullarizuar me serinë ”Mad Men”, ka zbuluar se është adhuruese e flaktë e takeve të larta, por nga ana tjetër e adhuron të ecë këmbëzbathur.

Për këtë arsye, ju nuk do ta shihni atë duke ecur me këpucë të rrafshëta, sepse një gjë të tillë as që mund ta imagjinojë. "Ose eci këmbëzbathur, ose me take të larta, ndërsa jam plotësisht e dashuruar në një palë këpucë me nënshkrim të Charlotte Olympia, të cilat kanë një kravatë të madhe. Për çfarëdo këpucësh që konsideroj se janë mjaft të larta dhe të rehatshme, janë të miat”, ka deklaruar aktorja e bukur.

Christina nuk është e çmendur vetëm pas takeve të larta, por ka edhe një stil specifik të veshjes. "Stili im i veshjes është femëror dhe eklektik. I pëlqej ato pjesë të rrobave që janë romantike dhe të rrezikshme”, thotë ajo për të shtuar se në çdo kombinim të veshjes, dëshiron të beli i saj të dalë në pah, sepse në të është më se krenare.