Main » 2011»April»3 » Sondazhet në internet, prin Ermela
0:30 AM
Sondazhet në internet, prin Ermela
Sonte e gjithë vëmendja do të jetë e
kthyer te një shtëpi. Shqiptarët do të votojnë për katër kandidatë
brenda shtëpisë së BBA4, përderisa gjërat do të jenë edhe më
interesante kur do të vijë largimi i banorëve të fundit. Të gjithë
anëtarët që janë brenda tashmë kanë thënë se janë fitues, sepse kanë
arritur që me debate të forta dhe lojë të mbushin mendjen e publikut që
mos t’i largojnë nga ty, pavarësisht se jashtë ka pasur thashetheme të
shumta për ta.
Për çfarë do të mbahen mend?
Edicioni
i katërt i Big Brother Albania sivjet do të mbahet mend edhe për një
gjë interesante. Për herë të parë banorët kanë qenë shumica të rinj,
përderisa ajo që ka zgjuar interesim edhe tek adhuruesit e këtij
spektakli ishin femrat. Vëllai i madh i Shqipërisë kishte zgjedhur që
në këtë edicion të thërriste vajza që në dukje të parë dukeshin si
modele. E veçanta e këtyre vajzave ishte se të gjitha përfaqësonin një
filozofi të ndryshme, ndërkaq edhe sa u përket intrigave të dashurisë,
edhe ky edicion nuk do të mbetet pas. Përderisa në Big Brother 3 ishte
thënë se ka pasur homoseksualë, në këtë edicion, me puthjet e tyre,
Mirjeta dhe Klodiana zgjuan kërshërinë e shumë njerëzve nga jashtë, duke
thënë se ka lesbike. Por, ky edicion i Big Brother Albania do të
mbahet mend edhe për dy lidhje diametralisht të kundërta, lidhja e
Mirjetës me Marielin dhe ajo e Ogrenit me Nedën. Kjo e dyta u ndërtua
me një mori thashethemesh, përkundër asaj të Mirjetës dhe Marielit që
ishte më ndryshe, ku Mirjeta i kishte thënë Marielit që e dashuronte.
Por, nuk duhet harruar edhe banorët e tjerë.
Kosovarët
edhe sivjet nuk shkuan në finale. Petriti dhe Alkena pavarësisht
mundit, nuk e arritën këtë. E para, Alkena e teproi me patriotizmin e
saj, ndërkaq Petriti në disa raste u tregua agresiv. Në këtë edicion
nuk do të harrohen as Arusha e Madhe dhe Arusha e Vogël. Janë Ergysi
dhe Marieli. Ergysi, një aktor i cili historinë e familjes së tij e
ktheu në një tregim të bukur për jetën e vështirë, kurse Marieli arriti
që me vajin e tij të bëhet një fytyrë komike për publikun, por shumë i
afërt me banorët. Këtu nuk duhet harruar as Alma. Vajza e tre
vëllezërve kishte po ashtu surprizat e saj. Ndonjëherë intriguese, por
edhe shembull i tradhtisë, pasi e tradhtuan në fund Neda dhe Ogreni.
Kurse Neda mund të kthehet në një figurë tjetër. Ndoshta, nga filozofia
e saj. Mund të jetë një figurë komike për humoristët.
Finalja Kur
jemi te finalja, atëherë mund të themi se katër finalistët, me
përjashtim të Ermelës, e cila ka qenë më së shumti e nominuar, të tjerët
nuk e kanë përjetuar këtë ndjenjë. Madje, Marieli e ka thyer rekordin
nga të gjithë banorët e tjerë. Ai kishte thënë se e ka thyer një rekord
të Genisit, por edhe në këtë rast e ka thyer një tjetër. Marieli që
nga hyrja në shtëpi të BBA 4, nuk ka qenë i nominuar asnjëherë nga
banorët, me përjashtim kur ai është nominuar me ndonjë procedurë
ndryshe të BBA4. Pavarësisht kësaj, ai konsiderohet si njëri prej
banorëve që ka dhënë shembullin më të mirë të banorëve aty brenda. E
vetmja femër që ka mbetur në BBA4, Ermela edhe këtë javë ka treguar se
di të bëj lojë. Në javën e fundit, Ermela ka shfrytëzuar gjumin e
Ogrenit dhe të Marielit, për shkak se javën e kaluar dy të dashurat e
tyre dolën nga shtëpia, duke qenë më e zhurmshmja në shtëpi.
Megjithatë,
Ermela tregoi vlerat e saj dhe në asnjë moment nuk e injoroi Ogrenin,
edhe pse ky i fundit është paraqitur më i vetmuar në këtë mes. Ogreni
nuk ka arritur që të socializohej në shtëpi, edhe pse shumë e
konsiderojnë favorit në këtë finale dhe është ndoshta njëri prej
banorëve që me fat arriti të qëndrojë në shtëpi. Kurse i fundit është
Ergysi. Arusha e vogël, të cilit nuk i pëlqen shumë ta thërrasin me këtë
emër, po ashtu ka qenë njeri prej atyre banorëve që pak e kanë shijuar
nominimin. Por, në fund ai mund të konsiderohet kockë e fortë dhe
konsiderohet po ashtu një favorit.
Sondazhet në internet, prin Ermela
Interneti
është bërë interesant kohëve të fundit për shkak se shumë sondazhe
tregojnë edhe disponimin e njerëzve për atë se kush do ta fitojë në një
garë. Edhe BBA 4 nuk ik nga ky koncept. Tashmë ka një numër të madh të
sondazheve në internet, të cilat në shumicën prej tyreve fitues të
këtij edicioni e zgjedhin Ermelën.
Ermela
prin me 49 për qind të votave, Ogreni është i dyti me 26, i treti
është Ergysi me 15 për qind të votave, kurse gjasat më të vogla për ta
fituar këtë edicion i ka Marieli që ka vetëm 10 për qind të votave të
internetit. Por, gjërat do të shihen sonte (e shtunë) në natën finale,
ku do të votohet për më të mirin e këtij edicioni, me anë të
telefonatave./Showbiz
