Halle Berry mendon që në të kaluarën ka gabuar shumë shpesh dhe kishte marrë vendime të gabuara sa i përket dashurisë. Aktorja e cila ka qenë në martesë me lojtarin e bejsbollit, David Justice-n dhe këngëtarin Eric Benet-in thotë që do të ishte më e lumtur po qe se kurrë të mos martohej.

"Po ta dija atëherë që nuk jam tip për martesë. Kjo do të më kursente shumë mund, kohë dhe thyerje të zemrës. Sa i përket dashurisë, gjithmonë kam bërë përzgjedhje të gabuar. Kam qenë idiote”, tha fituesja e çmimit "Oskar”. Halle mendon që për shumicën e përzgjedhjeve të gabuara fajtor është babai i saj, i cili e kishte lënë kur ka qenë e re.

"Kjo sigurisht që ka ndikuar në jetën time. Po të kisha baba të mirë derisa rritesha, sigurisht që nuk do të bëja gabimet e njëjta. Nuk do të isha aq e humbur në dashuri”, tha aktorja e cila momentalisht është në lidhje me kolegun, Olivier Martinez-in. Ajo për të kaluarën e saj nuk vajton, pasi që mendon që ka mësuar shumë gjëra.

"Tani kjo është sikur ndonjë dhuratë: të gjitha i shoh më qartë dhe për të gjitha marrë vendime të mira”, pohoi Halle.