Ryan Reynolds-n shumica e konsiderojnë si të dashurin e ri të aktores Sandra Bullock, mirëpo, aktori i ri me vendosmëri e demanton, por nuk ndalet së lavdëruari kolegen e saj. Ish-bashkëshorti i Scarlett Johansson-it, deri më tani disa herë ka luajtur në film me Sandra-n dhe thotë se është kënaqësi të punosh me të.

"Do të dëshiroja të luaja edhe më shumë filma me të. Do të isha një budalla po ta refuzoja”, ka thënë Ryan, i cili me Sandra-n është përafruar shumë në jetën private, por thotë se janë vetëm miq.

Ai insiston se mashkulli i vetëm në jetën e saj, momentalisht është djali i saj Louis, i cili muajin e kaluar ka festuar njëvjetorin. Ryan është miqësuar shumë edhe me djaloshin, ndërsa Louis e pëlqen shumë shoqërinë e aktorit kanadez.