Tanimë jemi të informuar se këngëtarja Mirsa
Kërçeli ka muaj të tërë që ka gjetur djaloshin e saj të ëndrrave.
Graniti nga Gjilani është nga një familje biznesmenësh dhe një pjesë të
jetës ai e kalon në Kanada.
Edhe pse e dashuruar, ajo ende nuk është e gatshme të marrë ndonjë
hap drejt fejesës. "Lidhjen time të dashurisë tashmë e kam bërë publike,
mirëpo mendoj se ende nuk jam e gatshme të thur fejesën. Nuk preferoj
të marr vendime të shpejta andaj besoj se është herët edhe për këtë. E
rëndësishme është që unë ndjehem e kënaqur me këtë lidhje dhe besoj që
deri në fund do të jem me Granitin”, shprehet ajo për "Zërin”.
Tani për tani, Mirsa është duke mbajtur disa koncerte në Kanada dhe
Amerikë, ku gjatë qëndrimit të saj atje është e shoqëruar edhe nga i
dashuri. "Graniti më përkrah në profesionin tim të këngës, me ndihmën e
tij unë tani jam duke i mbajtur disa koncerte në Kanada. Ai jeton edhe
këtu dhe në një mënyrë menaxhon mbrëmjet e mia muzikore që i kam në
diasporë”, shton ajo.
Kënga dhe videoklipi i ri
Mirsa ka nisur përgatitjet e saj për projekte të reja muzikore, ajo
tani së shpejti do të lansojë një këngë të re të përgatitur nga Hekuran
Krasniqi dhe Linda Halimi, e cila e ka bërë tekstin. Është hera e parë
që ajo ka bashkëpunuar me Hekuranin dhe Lindën me të cilët është ndarë
mjaft e kënaqur. Tani ajo pret vetëm emërtimin e këngës dhe realizimin e
videoklipit.
"Jam në përfundim të këngës, tani do të nis me xhirimet e klipit dhe
sapo të përfundohet puna në të menjëherë do ta lansoj në treg”, thekson
ajo.
Sikurse në klipet paraprake ashtu edhe në këtë që do ta lansojë,
Mirsa do të duket me një lluk ndryshe dhe stil të veçantë. Ajo është
ndër të shumtat e këngëtareve tona që pëlqen të eksperimentojë me dukjen
e saj.
"Gjithnjë dua që në videospotet e mia të dukem më ndryshe, shpresoj
që do të më pëlqejë publiku edhe në këtë projekt”, shprehet ajo. Pas
lansimit të këtij videospoti Mirsa do të nisë punën për disa këngë të
reja, me të cilat do të prezantohet gjatë sezonit të verës. "Më presin
edhe shumë punë, besoj se do të jetë një verë e nxehtë për mua, por
padyshim që pres suksese dhe duartrokitje të mëdha prej publikut tim
anembanë vendit duke mos përjashtuar edhe diasporën”, përfundon ajo./Showbiz
