Aktori Rob Lowe, 47-vjeç, për numrin prill të revistës së njohur "Vanity Fair”, ka pozuar gjysmë i zhveshur. Ai me këtë rast ka treguar tenin e tij të errët, gjoksin e rruar, muskujt e jashtëzakonshëm dhe tatuazhin.

Edhe pse shpesh e kanë shpallur si njërin prej meshkujve më seksi në botë, Robi thotë se kurrë nuk e ka konsideruar veten si person tërheqës dhe se ka qenë një qyqar.

"Kam qenë i turpshëm. Nuk kam ditur të bëj sërf, kështu që femrat e bukura as që më shikonin, thjesht turpëroheshin që ishin afër meje. Edhe sot nuk jam një tip sportiv. Ende kam frikë të kërcej me kokë në pishinë”, ka thënë Rob gjatë intervistës me këtë revistë.

Momentalisht është duke promovuar librin "Stories I Only Tell My Friends: An Autobiography” dhe duke aktruar në filmin "Breakaway”.