Candice Swanepoel, me paraqitjen e saj të fundit në një seancë fotografish, ka shkaktuar shqetësim tek adhuruesit e saj, të cilët mendojnë se ajo është tepër thatanike, derisa keqdashësit insistojnë se ajo vuan nga mungesa e ushqimit.

Bukuroshja me trup magjik e shtëpisë së modës "Victoria`s Secret”, me paraqitjen e fundit, dukej sikur nuk ka ngrënë ushqim me muaj dhe se për shkak të humbjes së formave të plota trupore, ajo rrezikon të humbë edhe kontratën me shtëpinë e modës "Victoria’s Secret”.

"Ata duan të promovojnë imazhin e formave të plota. Jo trashësisë, por formave të plota të trupit. Nëse jeni tepër thatanike, ky nuk është një imazh i mirë. Nëse humbet edhe ndonjë kilogram, mund të humbet kontrata. Me siguri se nuk do të ndodhë kjo, ata do ta paralajmërojnë”, ka thënë një burim. Candice u është përgjigjur vërejtjeve rreth pamjes thatanike.

"Jam e shëndetshme. Më vjen shumë mirë që të gjithë kanë atë kujdes për mua, por sa i përket kësaj, e tëra është në rregull, gjithçka normale dhe mirë”, ka thënë ajo për revistën "People”.