Ndërkohë që djemtë vazhdojnë të bisedojnë në oborr, Ermela shkon në dhomën e gjumit dhe bën tualetin. Në Shtëpinë e Big Brother vazhdon të ketë muzikë në sfond e banorët shijojnë tingujt e saj. Marieli shkruan diçka në letër, ndërsa Ergysin duket sikur e ka zënë gjumi, shtrirë afër tij. Ogreni vazhdon të rrijë në karrige, duke dëgjuar muzikën në sfond.

Marieli komenton veshjet e Ermelës gjatë gjithë këtyre ditëve. Ai thotë se Ermela vishet me ngjyra dhe kjo gjë i pëlqen. Pasi del Ermela e komplimenton dhe i thotë se do të ishte mirë që gjatë këtyre ditëve të vishte edhe ngjyra të tjera që nuk i ka veshur më parë. Ermela e falënderon e thotë se gjithmonë i ka pëlqyer që të vishet me ngjyra.