Ylli i filmave me arte luftarake Jean-Claude Van Damme, ka vendosur mos t’i kthehet më aktrimit, por të përqendrohet në përleshjet në ring.

Ylli i Hollivudit, i njohur si "muskujt nga Brukseli”, thotë se edhe përkundër asaj se kanë filluar t’i vijnë ofertat, pasi një kohë të gjatë ishte në listën e zezë të Hoollivudit, ai do të fillojë me ushtrimet për betejën e tij të parë në ring pas 29 vitesh, kundër boksierit tajlandez Somluck Kamsing.

"Kanë filluar të kërkojnë kthimin tim para kamerës, por unë kam vendosur të luftoj në ring. Nëse e fitoj këtë betejë, e cila do të jetë e veçantë, do të më sjellë edhe 10 vjet shëndet. Është si një riparim. Pra, jam i lumtur me atë ku jam sot”, ka deklaruar Van Dam.