Irina Shayk, e dashura e futbollistit të njohur të Real Madrid-it, Cristiano Ronaldo, momentalisht është njëra nga modelet më atraktive në botë dhe kjo në radhë të parë falë këmbëve të gjata dhe pamjes joshëse.

Irina së fundi ka realizuar një katalog të ri me rroba të larjes për brendin nga Majami, "Luli Fama”, ku pozoi me më shumë se 20 modele të këtij brendi.

Pyetja lidhur me mbajtjen e linjës lindi vetvetiu, marrë parasysh që Irina është në formë të mirë, ndërsa modelja e njohur me buzëqeshja në fytyrë u përgjigj: "Kurrë nuk kam qenë në dietë. Mendoj që çdo kush mund të hajë çka të dëshirojë dhe të ushtrojë që të jetë në formë, pa marrë parasysh a shkoni në palestër, notoni, shëtisni apo shkoni në ‘pilates’”.

Irina Shayk shtoi se ushtrimet nuk i sheh vetëm si obligim por edhe kënaqësi dhe se pas ushtrimeve gjithmonë ndihet më pozitivisht.