Qëkur është bërë nënë, këngëtarja Jennifer Lopez nuk ka shumë kohë të vizitojë sallonet e bukurisë. Për këtë në shtëpi i bën disa rituale të vogla për bukurinë, ndërsa e zbuloi edhe sekretin e lëkurës së saj të butë dhe shkëlqyese.

"Lëkura jo e mirë është gjëja më e keqe te një femër. Këtë problem e zgjidhi ashtu që e përziej vajin e ullirit me sheqer dhe me këtë masë e lyej lëkurën. Besoni, asnjë piling i blerë nuk është më i mirë se ky”, tha diva latine. Por, vitet e bëjnë të veten, ndërsa kilogramët kanë filluar t’i shtohen.

"Kujdesem shumë se çka ha. Mishi i bardhë, shumë pemë e perime dhe sa më shumë limonadë është ajo që më me kënaqësi e fus në organizëm, ndërsa linjën e mbaj duke vrapuar çdo ditë nga tri kilometra”, tha ajo.