Anëtarja e grupit "No Doubt”, Gwen Stefani dha
një intervistë për revistën "Vogue” ku haptazi foli se çka mendon për
veten dhe për pop-yjet e sotme.
"Natyrisht që mendoj se jam e bukur, tërheqëse dhe e suksesshme”, tha
41-vjeçarja Gwen. Këngëtarja e pranon se vetëm dy herë në jetën e saj
kishte menduar se është "e shëmtuar”, të dyja herët kur ka qenë
shtatzënë.
Asaj nuk i pëlqen kur emri i saj përmendet së bashku me emrat e Lady
Gaga-s, Rihanna-s dhe Katy Perry-t. Gwen në spekulimet se i ka inspiruar
pop-yjet e sotme tha: "Vërtetë?! Nuk e shoh veten te ato vajza. Për
fillim unë veshi pantallona”, tha ajo.
