Duket se bashkëshortët e dikurshëm e kanë ‘groposur sëpatën e armiqësisë’ dhe kanë kaluar momente të lumtura familjare në Floridë. Pas grindjeve dhe ofendimeve të ashpra, të cilat kishin mbushur ballinat e revistave pas zbulimit të tradhtisë së David Arquette-it, Courtney Cox ka vendosur që të jetë sërish bashkë me David-in.

Në stil fëmijërorë, me të cilin edhe kanë filluar armiqësinë, ata edhe janë pajtuar në parkun argëtues ‘Disney World’ në Floridë.

"Vend magjik në të cilin përhapet dashuri dhe lumturi”, është lavdëruar Arquette përkrah fotografive të cilat ai i ka botuar në një faqe sociale. Courtney Cox edhe këtë herë ishte e përmbajtur.

Ajo medieve u ka thënë se nuk i kanë ripërtërirë ende premtimet e dashurisë. Ajo thotë se hapin për ripërtëritjen e lidhjes, e ka ndërmarrë për shkak të fëmijëve, ndërsa se a do të rezultojë ky bashkim me lumturi, do të varet nga sjellja e David-it.