Aktori Chris Evans e pranon se bën shumë gabime, duke përfshirë edhe ato në dashuri.

Ylli i filmit "Captain America”, i cili në të kaluarën ka qenë në romancë me bukuroshe të shumta si Jessica Biel dhe Christina Ricci, e pranon se shpesh kthehet prapa në të kaluarën e tij dhe është i shtangur me mënyrën se si ka vepruar.

"Jam ende 29-vjeç dhe po bëj gabime kudo. Jam i sigurt se shumë gjëra që i kam bërë, i kam bërë pa menduar fare. Tani kthehem prapa dhe i them vetes se çfarë kam menduar në atë kohë. Isha i pakonsideratë dhe i pasjellshëm. Këtë e kam bërë edhe me të dashurat e mia dhe për këtë pendohem, pasi është dashur të sillem ndryshe”, ka përfunduar aktori.