Shumë femra vazhdimisht pyesin se si me sukses të humbin peshën e tepërt dhe të kenë trupin sikurse ato të aktoreve dhe këngëtareve të famshme, të cilat marshojnë nëpër qilimat e kuq.

Por, duket se disa nga aktoret më të njohura, motivin për ushtrime dhe mbajtjen e dietave rigoroze, e gjejnë në hakmarrjen ndaj ish-të dashurve. Në mesin e tyre janë edhe Eva Longoria, Scarlett Johansson dhe Sandra Bullock dhe Courteney Cox.

Eva Longoria

Pasi edhe zyrtarisht është divorcuar nga burri Tony Parker, Eva Longoria ka shkëlqyer në ceremoninë e çmimeve Globi i Artë dhe ka treguar figurën vitale të trupit. Për të qenë në formë, ajo ushtron 3 herë në ditë, ndërsa konsumon edhe ushqim të shëndetshëm. Të gjitha këto për ta ‘plasur’ ish- burrin.

Scarlet Johansson

Aktorja Scarlett Johansson në dhjetor të vitit të kaluar, i ka dhënë fund martesës së saj me Ryan Reynolds, ndërsa vija e saj e trupit, tani duket më seksi se kurrë më parë. Scarlett top-formën e saj e mban me ushtrimet e përditshme gjysmorëshe, ku ajo kombinon ushtrimet e sistemit kardiovaskular, ushtrimet e baraspeshës dhe koordinimit. Ryan vetëm tani e di se çfarë ka humbur.

Sandra Bullock

Hakmarrja pas ndërprerjes së lidhjes, nuk ka qenë më e suksesshme se në rastin e Sandra Bullock, e cila vetëm tre muaj pasi është ndarë nga burri Jessie James, ishte paraqitur në ceremoninë ‘Spike TV's Guys Choice Awards’, me një pamje të mrekullueshme trupore. Ajo ka arritur të krijojë këtë trup seksi, falë ushtrimeve pilates, kikboksit dhe vallëzimit.

Jessie tani ka mbetur me gojë të hapur.

Courteney Cox

Kur në tetor të vitit të kaluar, pas 11 vjetësh martese, ishte shkurorëzuar nga burri David Arquette, Courteney Cox kishte arritur të rikthejë formën e shkëlqyeshme të trupit falë metodës së Tracy Andersonit, e cila përfshin ushtrimet 90-minutëshe. Më kot David i kishte rënë pishman me ndarjen, pasi ajo tashmë kishte gjetur një të dashur dyfish më të ri se ai.