Publiku gjerman gjithmonë i ka vlerësuar shqiptarët. Miriami, Ari etj., talente të fushave të ndryshme janë zbuluar në Gjermani. Këtë vit është Edita Abdieski, e cila ka arritur dhe suksesin më të madh në këtë vend, si fituese e programit "X-Factor” ajo që riktheu kujtimet e fitores së Miriamit e që shumë shpejt u pasua nga një tjetër sukses.

Ai i Ardian Bujupit që tashmë ka arritur të kualifikohet ndër finalistët e një tjetër programi popullor në këtë shtet - "Deutschland sucht den Superstar”. Teksa Ardianit i duhet të mbarojë konkurrimin për të bërë planet e të ardhmes, Edita tashmë është stabilizuar si një prej talenteve më të mira në vend. Së shpejti publikon albumin e saj të parë, teksa ka përfunduar dhe një duet me Ricky Martin./Showbiz