Çifti i këngëtarëve Brian McFadden dhe Delta Goodrem i kanë dhënë fund lidhjes së tyre.

Ish-ylli i grupit "Westlife” i kishte propozuar martesë aktores dhe këngëtares australiane para katër vjetësh, por ata kurrë nuk kishin caktuar një datë të martesës dhe tani zëdhënësi i tyre ka konfirmuar se ata bashkërisht janë pajtuar t’i japin fund lidhjes së tyre 6-vjeçare.

"Delta Goodrem dhe Brian McFadden me keqardhje njoftojnë se më nuk janë të fejuar, pasi së bashku kanë vendosur t’i japin fund lidhjes. Ata do të mbesin miq dhe i dëshirojnë njëri-tjetrit lumturi në të ardhmen, ndërsa kërkojnë që të respektohet privatësia e tyre”, ka deklaruar zëdhënësi i tyre, për të shtuar se nuk ka pasur palë të tretë të përfshirë në këtë ndarje.