Michelle Hunziker, ish-bashkëshortja e Eros Ramazzotti-t, ka deklaruar se suksesi në karrierë dhe bukuria nuk po i ndihmojnë edhe aq në gjetjen e partnerit.

Michelle Hunziker ka lindur para 34 vitesh në Sorengo të Zvicrës, ndërsa vëmendjen e parë të medieve e ka tërhequr me lidhjen e saj me yllin italian të muzikës Erosin, ndërsa më pas ka prekur majat e suksesit si njëra ndër modelet më të kërkuara, kjo falë trupit dhe bukurisë së jashtëzakonshme.

Kjo bukuroshe tashmë shtatë vite në televizionin italian Canale 5 udhëheq emisionin 'Striscia la notizia', ndërsa në intervistën e dhënë së fundmi, ajo ka zbuluar se assesi nuk po mund të gjejë një të dashur.

"Jo, momentalisht nuk e kam askënd. Jam e vetme, shumë e vetmuar. E dini pse? Një pjesë e tyre frikohen. Ata mendojnë në vete ‘ajo është 34-vjeçe, është e suksesshme, udhëton shumë, është e pavarur, atëherë më mirë jo, sepse do të duhej angazhim i madh rreth saj”. Pastaj janë meshkujt paksa më të guximshëm, por ata janë mbi 50 vjeç, ndërsa ende nuk kam gjetur një mashkull me një moshë të tillë që vërtetë më ka pëlqyer”, ka deklaruar ajo.