Me shije apo pa shije? Gjykojeni vetë rreth asaj se si të famshmit i kanë zbukuruar trupat e tyre me tatuazhe me forma të ndryshme. Të famshmit janë më shumë të njohur për atë se dëshirojnë të zbukurohen me tatuazhe të ndryshme, sikurse edhe njerëzit e thjeshtë.

Derisa disa kënaqen me një apo dy tatuazhe, për disa ky numër nuk mjafton dhe vazhdojnë të zbukurojnë trupat e tyre dhe nganjëherë gjërat dalin jashtë kontrollit. Në fund të fundit, e tëra ka të bëj me shijen, ndërsa ne ju tregojmë disa nga yjet që njihen për tatuazhet e tyre të famshme dhe ju gjykoni nëse ata këtë e kanë bërë me shije.

Angelina Jolie

Nuk dihet nëse ende ka mbetur ndonjë pjesë e trupit të saj pa u luluar me tatuazhe, por ajo vazhdon të bëjë të reja, duke përfshirë edhe atë të para ca ditëve, kushtuar të dashurit të saj Brad Pitt.

Amy Winehouse

Edhe Amy është adhuruese e tatuazheve, ku përveç disa që ka në duar dhe në gjinj, thuhet se ajo ka edhe disa në pjesët më intime të trupit, por që paparacët ende nuk kanë arritur t’ia fotografojnë

Cheryl Cole

Shumica pohojnë se Cheryl vërtetë të gjithë tatuazhet e saj i ka bërë me një shije të madhe, sidomos tatuazhin e madh i cili përshkon tërë shpinën e saj e deri te vithet. Edhe për të thuhet se ka tatuazhe në pjesët intime të trupit.

Pink

Gjithmonë është kontroverse, ndërsa tatuazhet në vendet më intime të trupit, edhe më shumë e shtojnë këtë kontroversë, por ajo as që e çan kokën për këtë dhe vazhdon të shtojë numrin e tyre.