"Gabimi im më i madh jetësor është që kohë të gjatë kam qenë i varur në kokainë. Mëngjesin nuk do të mund ta filloja nëse nuk e merrja një vi. I premtoja vetes se ajo është e para dhe fundit atë ditë por...kurrë nuk ka qenë ashtu si i premtoja vetes”, i zbuloi aktori amerikan, Dennis Quaid, mëkatet e tij hollivudiane të cilat i kushtuan me karrierë.

Përndryshe, Quaid është bërë i njohur në fillim të viteve ’80 të shekullit të kaluar, por kokaina thotë që filloi ta merr që më lehtë të ballafaqohej me barrën e të qenit i famshëm. Megjithatë, droga e mori kontrollin mbi jetën e tij.

"Jeta më shkatërrohej, e shkatërrova karrierën dhe martesën, dhe tek në fundvitet 1990 isha i gatshëm që të ballafaqohem me këtë problem”, sqaron 57-vjeçari Quaid të cilit kjo varësi i kushtoi me shkurorëzim nga aktorja e bukur, Meg Ryan.

Dennis sot është në martesë të lumtur me Kimberley Quaid, e cila para tri vitesh ia lindi binjakët, Thomas-in dhe Zoe-n. "Ringjallja” e tij prej aktori në Hollywood kurrë nuk ndodhi, dhe kryesisht paraqitet në rolet dytësore apo edhe role kryesore, por në filmat e B produksionit.