Këngëtarja Britney Spears gjatë një interviste ka zbuluar se do ta kërkonte për herën e tretë lumturinë si një femër e martuar. Në të vërtetë, këngëtarja momentalisht është në lidhje me Jason Trawick, ish-agjentin e saj.
"Kurrë mos thuaj kurrë”, ka shtuar Britney në këtë intervistë. Këngëtarja për herë të parë është martuar në vitin 2004 në Las Vegas, me dashurinë e saj nga fëmijëria Jason Alexander, por martesa e saj ishte anuluar vetëm 55 orë më vonë.
Herën e dytë ishte martuar gjithashtu në vitin 2004, për valltarin e grupit të saj Kevin Federline, me të cilin ka dy djem, ndërsa janë ndarë në vitin 2006. Se a do të ndodhë edhe martesa e tretë, pritet të shihet së shpejti.
