Çiftet e famshme botërore, janë mësuar me honorarët gjashtëshifrorë, mirëpo, dikush prapë fiton më shumë. Më poshtë do të mësoni se kush janë ato

Beyonce & Jay-Z

Beyonce dhe Jay-Z, çifti i famshëm i këngëtarëve i cili mbretëron në top-listat botërore, me siguri se nuk kanë probleme financiare. Bazuar sipas "Forbes”-it, Beyonce gjatë vitit 2010 ka fituar hiq më pak se 87 milion dollarë, ndërsa burri i saj është dashur të kënaqet me vetëm 63 milion, duke e bërë çiftin më fitimprurës.

Gisele Bundchen & Tom Brady

Supermodelja më e famshme në botë, Gisele Bundchen, në vit fiton 25 milion dollarë, çka ndjeshëm e tejkalon fitimin vjetor të burrit të saj Tom Brady, i cili në vit fiton 3.5 milion dollarë. Mirëpo, në vitin 2010, Brady ka nënshkruar kontratë katërvjeçare dhe fitimi i tij vjetor, tani është 36.5 milion dollarë, duke e bërë çiftin e dytë më fitimprurës.

Robert Pattinson & Kristen Stewart

Çifti i aktorëve të rinj Robert Pattinson dhe Kristen Stewart, janë bërë të famshëm me filma për të rinj, sidomos me sagën e filmave me vampirë "Twilight”. Kështu, Pattinson vitin e kaluar ka fituar 27.5 milion dollarë, derisa Stewart një milion më shumë, pra 28.5 milion dollarë, duke u renditur në pozitën e tertë.

Brad Pitt & Angelina Jolie

Besoni apo jo, por çifti dikur që fitonte më së shumti, Brad Pitt dhe Angelina Jolie, vitin e kaluar kanë arritur të fitojnë vetëm nga 20 milion dollarë secili, por që ka mjaftuar të zënë pozitën e katërt.