Ëndrra e secilit aktor-aktore, pa përjashtim është të ketë sukses në oazën e industrisë filmike - Hollywood. Shumicës distanca, për arritjen në anën tjetër të Oqeanit Atlantik, i është e pakapërcyeshme, por disa diva filmike kanë arritur të kenë statusin e yllit si në kontinentin e ri ashtu edhe atë të vjetër. Ua rikujtojmë disa nga aktoret evropiane, të cilat Hollywood-in "e lanë pa frymë”.

Sophia Loren

E para në këtë listë e mban titullin e njërës nga aktoret më të bukura në historinë e filmit, ndërsa shumica e konsiderojnë atraktive edhe pse tashmë ka hyrë në dekadën e shtatë të jetës së saj.

Isabella Rossellini

Bija e dyshes së njohur filmike Rossellini-Bergman në botën e të famshmëve hyri si modele. Ka qenë "muza” e shumë fotografëve si Richard Avedon-it, Helmut Newton-it, Peter Lindbergh-ut etj, ndërsa në vitet ’80 të shekullit të kaluar fotografitë e saj zbukuruan shumë ballina të revistave të modës.

Penelope Cruz

Shumë pak njerëz në këtë planet nuk di për emrin e aktores spanjolle, por rruga e suksesit të saj nuk ka qenë e zakonshme. Është rritur në lagjen e punëtorëve në Madrid, dhe si fëmijë merrej me vallëzim. Dashuria e saj ndaj filmit rritej me kalimin e viteve dhe mundohej me tërë forcat që të fitonte ndonjë rol filmik.

Marion Cotillard

Parisienia e bukur, siç e quajnë shumica, famën botërore e arriti brenda natës. Dhe atë vetëm me një rol. E dimë që bëhet fjalë për filmin francez "La vie en rose” në të cilën Marion me paraqitjen perfekte e interpretoi ikonën e skenës muzikore franceze, Edith Piaf-in.