Pop-diva, Britney Spears, e cila kohë më parë e editoi albumin e titulluar "Femme fatale”, paralajmëroi se i njëjti do të përcillet me turne të madh botëror. Megjithatë, gati së bashku me lajmi për turneun, erdhi edhe një lloj anulimi. Kur këngëtari Enrique Iglesias, i cili ishte paralajmëruar si mysafir në turneun e saj, foli dhe njoftoi se nuk do të merr pjesë, lindi një konfuzion i përgjithshëm.

Revista "Billboard” jozyrtarisht mëson se kompania "Live Nation”, e cila është promotore e këngëtares së popullarizuar, momentalisht është në bisedime me Nicki Minaj-n, për praninë eventuale në turneun e Britney-t.

Spears kohë më parë e shfaqi dëshirën, që në turneun e saj të përfshihet edhe Usher, por shanset janë minimale pasi menaxheri i tij punon në kompaninë e cila kohë më parë e përfaqësonte Britney-n, dhe e cila është në raporte shumë të acaruara, me promotorin e tanishëm të këngëtares.

Se a do të mbahet turneu, kur do të fillojë dhe cili nga kolegët do t’i bashkohet Spears-it në skenë, për tani mbetet e paqartë.