Këngëtarja e njohur, Mariah Carey, përfundoi në spital për shkak të dhimbjeve, por duket se ky ishte alarm i rrejshëm ngase ajo nuk lindi dhe u lëshua në shtëpi.

Në profilin e saj në "Twitter” ajo e shkroi: "Duket se vërtet dëshironin ta festonin përvjetorin me ne. Mbrëmë pata dhimbje dhe shkova në spital”. Pas një kohe 42-vjeçarja i njoftoi adhuruesit se e tëra është në rregull.

"Për pak të lindin në përvjetorin tonë, më 27 mars. Ky do të ishte vërtetë përvjetor i lumtur dhe i madh, megjithatë ka kohë edhe dy javë deri në lindje”, thuhet në profilin e saj. Këngëtarja pritet të lind binjakë me bashkëshortin Nick Cannon-in i cili po ashtu e shfrytëzon "Twitter-in” për të paraqitur frikën e tij për këtë lindje.

"Me siguri do të alivanosem në sallë të lindjes”, ka shkruar Nick dhe shtoi se e admiron bashkëshorten e cila së shpejti do të lind.