Sot me të vërtetë shumë njerëz marrin guximin të tentojnë të këndojë. Kështu edhe numri gjithnjë e më i madh i aktorëve dhe i yjeve të ndryshme e kap mikrofonin në duar. Por, për ta dështimi në të shumtën e rasteve është i garantuar ngase thjesht këndimi nuk është për gjithkënd.

Kim Kardashian

Tentimi më i freskët, por më i keq është ai i yllit të njohur Kim Kardashian, e cila me çdo kusht përpiqet ta zbulojë ndonjë talent të saj. Kënga e saj "Jam (Turn It Up)” i shokoi të gjithë. Përveç që tingëllon keq, shumica pyesin se si dikujt që fiton miliona "duke mos punuar” i bie ndërmend të futet në ndonjë biznes tjetër.

David Hasselhoff

Opusi muzikor i David Hasselhoff-it është tregim në vete. Ai pas vetes ka aq shumë këngë të këqija dhe po ashtu edhe videoklipe "të tmerrshëm” dhe me këtë rast të befason këmbëngulja e tij e vazhdueshme. A thua askush nuk i ka thënë se këndimi nuk i shkon?

William Shatner

Edhe pse të gjithë dëshirojnë ta kujtojnë si James Tiberius Kirk-un, kapedanin legjendar të Enterprise-t, William Shatner megjithatë vendosi që popullit t’i mbetet në kujtesë edhe për gjëra tjera. Albumi i tij i parë mban emrin "The Transformed Man”, ndërsa aktori në të na ka "qerasur” me interpretimin e hitit të Beatles-ëve dhe Bob Dylan-it.

Bruce Willis

Sipas mendimit të numrit të madhe të femrave Bruce Willis është njëri nga meshkujt më të dëshirueshëm në botë dhe nuk munden t’ia gjejnë asnjë të metë. Dëgjojeni përpunimin e këngës "Respect yourself” të grupit "The Staple Singers” dhe do ta gjeni një të metë të tij, nuk di të këndojë.