Aktorja Denise Richards dhe ish-bashkëshorti i saj, aktori Charlie Sheen, janë duke e akuzuar njëri-tjetrin për shkak të një qeni, të cilin e kishte marrë aktori pas ndarjes.

Denise është e zemëruar sepse ish burri i saj e akuzon se atë se është vjedhëse e qenve, derisa ajo e akuzon yllin e aktrimit se e ka maltretuar qenin e saj. Në bazë të vendimit për divorc, Charlie-t i kishin takuar dy qentë e tyre, por më pas Denise e kishte kuptuar se qentë nuk ishin kujdesur siç duhet.

Ajo nuk kishte arritur t’ia marrë qentë atij, ndërsa njëri kishte ngordhur, derisa Charlie ishte pajtuar që Denise ta marrte përkujdesjen për qenin e mbetur.

Por ai tani i ka rënë pishman, pasi dëshiron që ky qen të jetë maskotë për turneun e tij, por duket se për këtë duhet të luftoj, sepse Denise thotë se ai nuk është i zoti të kujdeset për veten e tij, e lëre më për qenin.