Aktorja Freida Pinto i ka mbrojtur fotot e saj të nxehta për një revistë meshkujsh, duke insistuar se ishte vendimi i saj për realizimin e këtyre fotove. Ylli i filmit ‘Slumdog Millionaire’, kishte tërhequr vëmendjen vitin e kaluar me një seri të fotove seksi për revistën "GQ”, duke përfshirë edhe disa të tilla ku ajo shihet e shtrirë në shtrat me veshje vetëm të brendshme.

Disa mediume kishin shkruar se kjo seancë fotosh ishte një tentim për ta hequr qafe imazhin e saj si një vajzë e mirë dhe Pinto tani ka deklaruar se ajo nuk ishte manipuluar për ta bërë këtë.

"Vendimi për t’i bërë këto foto, ishte i imi. Përfundimisht e kam ditur se si dua të dukem. Një stilist ka mundur të zgjedh rrobat, por vendimi për t’i veshur ato ishte i imi. E urrej të mendoj se isha detyruar ta bëja këtë”, ka thënë ajo.

Seksualiteti i një femre nuk duhet të abuzohet

Pinto ka deklaruar se e urren faktin kur njerëzit mundohen të abuzojnë me seksualitetin e një femre. Ajo thotë se ka shumë raste kur kjo nuk çmohet tek një femër dhe vetëm mundohet të përfitohet nga pamja e saj seksi.

"Gjithmonë kam thënë se seksualiteti i një femre duhet të shfrytëzohet në një mënyrë që nuk është përulëse për të. Por e dini, nuk mendoj se kjo është ende një çështje seksiste, sepse edhe aktorët por ekspozojnë trupin e tyre në seanca fotosh sikurse që e bëjnë aktoret”, ka deklaruar Pinto.

Në anën tjetër, Pinto është zotuar se më nuk do të bashkëpunoj me të dashurin e saj Dev Patel. Çifti ishte njoftuar gjatë xhirimit të filmit ‘Slumdog Millionaire’, në të cilin Pinto thotë se kishin krijuar një lidhje të cilën familjet e tyre nuk kishin mundur t’i kuptojnë.

Por Pinto thotë se nuk dëshiron më të punoj me Patel, sepse do të ishte e pamundur ta pasur joshjen që ata e kishin në fillim.