Pas një mungese për më shumë se një vit në skenën muzikore,
"Machiato Band” rikthehet me një këngë dhe klip të ri. Kënga e cila
është punuar tërësisht nga grupi dhe me tekst të Genc Prelvukaj, do të
vije në bashkëpunim me këngëtarin Labinot Rexha, i cili jeton në Zvicër."Ne
kemi provuar disa këngëtarë për këtë këngë, por kemi zgjedhur Labinot
Rexhën për shkak të përshtatjes në këngë dhe zëri i tij i veçantë dhe
shumë i mirë”, ka thënë anëtar i grupit "Machiato Band”, Dardan Gjinolli
për Zëri.
Kënga e cila mban titullin "Maska”, do t’i realizohet edhe klipi i cili do të punohet nga Max Production në Shqipëri.
"Të premten do fillojmë xhirimet e videoklipit në Shqipëri, ndërsa
brenda dy javësh do të jetë i gatshëm edhe promovimi i këngës e cila do
të bëhet me një organizim të veçantë në Prishtinë.
Sipas Dardanit, grupi "Machiato” vazhdon të jetë i bashkuar dhe të
ketë harmoni brenda tij. Ai ka theksuar se grupi ka përgatitur edhe tri
këngë të reja, por që dëshirojnë t’i lansojnë kohë pas kohe./Showbiz
|
