Është shtatzënë, nuk është shtatzënë, është shtatzënë, nuk është shtatzënë... kështu përafërsisht duken lajmet rreth aktores Scarlett Johansson dhe të dashurit të saj të ri Sean Penn.

Mirëpo, edhe përkundër mohimit të vazhdueshëm të shtatzënisë, ata të cilët së fundmi e kanë parë Scarlett-in, insistojnë se ajo stomakun e shtatzënisë, thjesht nuk mund ta fsheh, pasi është më se i qartë.

Pasi së fundmi më nuk po mundohen të fshehin romancën e tyre, Scarlett Johansson dhe Sean Penn janë bërë shënjestra e preferuar e paparacëve. Çifti është parë duke bërë vrapim mëngjesi së bashku me aktorin Owen Wilson.

Mirëpo, ajo që është vërejtur me këtë rast, ishte stomaku i fryrë i Scarlett-it, edhe pse ajo thotë se kurrë nuk ka qenë në formë më të mirë trupore.

Dhe gjithsesi se të gjitha këto shenja tregojnë se ajo është shtatzënë, çka do të ishte realizimi i ëndrrës së saj të kamotshme dhe pikërisht kjo ishte arsyeja pse ajo i kishte dhënë fund martesës së saj me aktorin Ryan Reynolds. Urojmë që ajo së shpejti të bëhet një mama.